ဆုံရ ကြုံရ တက္ကသိုလ် စာသင်ဘ၀

ဆုံရ ကြုံရ တက္ကသိုလ် စာသင်ဘ၀
(အပိုင်း-၇)
ရိပ်မိမှာ စိုးလို့
မြန်မာနိုင်ငံမှ ပါဠိ, အင်္ဂလိပ်, သက္ကတ, ပြာကဋ, ဟိန္ဒီ, မာဂဓီ, အဒ္ဓမာဂဓီ စသော ဘာသာများကို ဟိုစပ်စပ် ဒီစပ်စပ် သင်ယူခဲ့၏။ ဘွဲ့တွေလည်း တသီတတန်းကြီး ရယူထား၏။ သို့သော် မည်သည့်ဘာသာမှ ကိုဝဏ္ဏ မကျွမ်းကျင်။
ပညာရေး အတွက် သီရိလင်္ကာသို့ ထွက်ခဲ့ရာ၊ အိန္ဒိယနိုင်ငံ အပါအ၀င် ခရီးစဉ် တစ်လျှောက်လုံး ၀စီပိတ် ကျင့်ထားသလို လက်ဟန် ခြေဟန်ဖြင့် ခရီးဆက်ခဲ့၏။ သူတို့ကတော့ ကိုဝဏ္ဏအား စကား မပြောတတ်တဲ့ အ.အဟု ထင်ကြပေလိမ့်မည်။ မမှားနိုင်ပါ။ နိုင်ငံခြား၌ အင်္ဂလိပ်စကား မတတ်က အ.အသာတည်း။
သီရိလင်္ကာ ရောက်တော့ Abhayadassanarama ကျောင်း၌ နေထိုင်ခွင့် ရ၏။ မြန်မာဆိုလို့ သူတဦးတည်းသာရှိ၏။ အချိန်ပြည့် အခန်း တံခါးပိတ်ကာ အင်္ဂလိပ် စကားပြော စာအုပ်ကို အာဂုံ ကျက်နေ၏။ “၇-ရက် ၀စီပိတ် ကျင့်မည်” ဟု လိမ်ပြောထားသဖြင့် စာကျက်တာတောင် အသံ မထွက်ရဲ။ “သူတို့ကတော့ မိမိ၏ ၀စီပိတ် ကျင့်စဉ်ကို ကြည်ညို နေကြပေလိမ့်မည်” ဟု တွေး၍ ကိုဝဏ္ဏ ပြုံးပျော်မိ၏။
၇-ရက် ပြည့်ခဲ့ပါပြီ၊ အင်္ဂလိပ်စကား ဟုတ်တိပတ်တိ မရသေး။ ဘာသာစကား မရတော့ သူတို့ ပြောသမျှကိုသာ နားထောင်ရင်း ငေးကြည့်နေရ၏။ တတ်သမျှလေးနဲ့ ကြိုးစားပြောကြည့်၏။ “အင်္ဂလိပ်လည်း မရ သီဟိုဠ်စကားလည်း နားမလည်“ ဟု ဆိုကာ လောကု နှင့် ပေါတိ တို့၏ အထင်သေးခြင်းကို ခံရ၏။ မဟုတ်မခံ ဟုတ်လည်းမခံတဲ့ မြန်မာ့စိတ်ဓာတ် အပြည့်ဝရှိသော ကိုဝဏ္ဏ စိတ်ဆိုးသွား၏။ “ငါ-သူတို့ပြောတာ ငေးကြည့်နေရမည့် လူညံ့မဟုတ်၊ ငါ ပြောတာကို သူတို့ နားမလည်လို့ ငေးကြည့် နေစေရမယ်” ဟု ဆုံးဖြတ်ပြီး။ “ဟေ့ကောင်တွေ….. ၁၂-နာရီ ထိုး တော့မယ်…..။ ငါ-ဗိုက်ဆာပြီကွ၊ ဆွမ်းစားကြမယ်၊ စားချိန်မှန်းမသိ၊ ၀ိနည်းနားမလည်၊ ခွေးကုလားတွေ…..” ဟု ဗမာလို ပြောလိုက်၏။ သူတို့ ကြောင်စိစိ ဖြစ်သွာ၏။ ၀ဋ်လည်ပါပြီ၊ ကိုဝဏ္ဏ ပြောသမျှကို သူတို့ ငေးကြည့်နေရသည့် ဘ၀ ရောက်သွားပြီ။ ကမ္ဘာပတ်နေသည့် ကျောင်းတကာတွေတောင် ကိုဝဏ္ဏ နှင့် ယှဉ်ပြီး စကားမပြောရဲ၊ ကိုဝဏ္ဏပြောသမျှကိုသာ ငေးကြည့်နေရင်း “အ-ပို့…..၊ အ-ပို့…..” ဟူသော အာမေဋိတ်သံမှတပါး တခြား ဘာမှ မပြောတတ်၊ မပြောနိုင်တော့ပါ။ (မှတ်ကရော့…..)။
ကိုယ့်စကား သူမသိ၊ သူ့စကား ကိုယ်မသိ၊ ဒုက္ခများလှ၏။ ထို့ကြောင့် Srisumanarama ကျောင်းသို့ ရွေ့ပြောင်းလိုက်၏။ ဗမာ တစ်ပါးရှိ၍ ကိုဝဏ္ဏ အဆင်ပြေသွား၏။ တက္ကသိုလ် ၀င်ခွင့် လျောက်လွှာ တင်ရန် ဦးနန္ဒ၀ံသ ကို အကူခေါ်၍ သွား၏။ “မော်ကွန်းထိန်းကား မိမိအား တစုံတရာ မေးရင် ‘ ဒီနေ့ သူ ၀စီပိတ် ကျင့်နေလို့ ’ ဟု ပြောပြီး အဆင်ပြေသလိုသာ ကြည့် စီစဉ်ပါ” ဟု ကြိုတင် ပြောထား၏။ ကံ ကောင်းပါ၏။ မော်ကွန်းထိန်းက ကိုဝဏ္ဏ အား တစုံတရာ မပြောပါချေ။
တက္ကသိုလ် တက်တော့ ကိုဝဏ္ဏ တစ်လုံးမှ နားမလည်၊ ဆရာကိုသာ ထိုင်ငေးနေရ၏၊ သူများက ပို့ချချက်ကို ရေးနေရင် ကိုဝဏ္ဏ လည်း ကုန်း၍ ကဗျာ စပ်နေလိုက်၏။ ဆရာက ပြုံးရင် သူလည်း ပြုံးလိုက်၏။ ဆရာက ရယ်ရင် သူလည်း ရယ် လိုက်၏။ နဘေး၌ ထိုင်နေသော ဦးဝိသုတ က သူ့ကို လက်တို့ပြီး လှမ်းမေးလိုက်၏၊
“ဆရာ ဘာပြောတာလဲ”
“မသိဘူး”
“မသိဘဲနဲ့ ဘာဖြစ်လို့ လိုက်ရယ်နေတာလဲ”
“ကိုယ်နားမလည်တာ သူများ ရိပ်မိသွားမှာ စိုးလို့ပေါ့…”။
အင်္ဂလိပ်စကား မရဘဲ ပြည်ပ နေရတဲ့ ကိုဝဏ္ဏ ရဲ့ ဒုက္ခ၊ ကမ္ဘာ့သာသနာပြုမည်ဟု (သောက်ကြီးသောက်ကျယ်) ရည်ရွယ်ချက်ကြီးနဲ့ ပိဋကတ်တော်တွေ နှစ်ပေါင်းများစွာ သင်ခဲ့သမျှ အခုတော့ သူတို့ ရေးတဲ့ စာ ဖတ်မရ၊ ကိုဝဏ္ဏ အကန်းဘ၀ ဖြစ်ရ၏။ သူတို့ ပြောတာ မသိရ၊ နားထိုင်းဘ၀ ဖြစ်ရ၏။ သူတို့မေးတာ ပြန်မပြောတတ်၊ အ.အ ဘ၀ ဖြစ်ရ၏။ အော်….. အင်္ဂလိပ် ဘာသာ မရဘဲ သာသနာ ပြုချင်လှတဲ့ ကိုဝဏ္ဏ ဘ၀၊ အခုတော့ ဒုက္ခိတ။
အကန်း, အ.အ, အထိုင်းဘ၀မှ လွတ်ဖို့ မဆိုင်းမတွ ကုန်းကွကွနဲ့ ရုန်းထနေလေရဲ့…..။ ။


ဒီနေ့ ဘုန်းဘုန်း ကံ ဆိုးတယ်
မြန်မာပြည် နေစဉ်က အင်တာနက် ဆိုတာ ဘာမှန်းမသိ၊ အခုတော့ သူတောင်းစား ထိုင်ခုံရသည့်ပမာ ကျွန်ုပ် အင်တာနက် အွန်လိုင်းပေါ်မှ မဆင်းချင်တော့ပါ။ ထိုညက ၃-နာရီထိုးမှ အိပ်လိုက်ရ၏။ နံနက် ၄-နာရီခန့် အိပ်ပျော်ခါစရှိသေး၊ ကျောင်းပေါ် သူခိုးတက်လို့ ဆူညံပွက်သွား၍ လန့် နိုးသွား၏။ ခိုးယူသွားသော ပစ္စည်းများတွင် ကျွန်ုပ်၏ MP4 နှင့် ဟန်းဖုန်းလည်း ပါသွား၍ ဒေါသကြောင့် အံကြိတ်မိရာ လျှာကို ကိုက်မိသွားသဖြင့် သွေးခြေ ဥသွား၏။
၆-နာရီ လင်းလုခါနီးမှ တမှေးခန့် အိပ်ပျော်သွားရာ အာရုဏ်ဆွမ်း တစ်နပ် ငတ်သွားရပြန်၏။ ဗိုက်ဆာလို့ စိတ်ညစ်နေရတဲ့အထဲ ကျောင်းနေ ဘုန်းကြီး တစ်ပါးက “ကိုယ်တော်… ကျောင်းမရှာသေးဘူးလား…” တဲ့၊ စိတ်ရော စေတသိက်ပါ ညစ်သွားရပြန်၏။ အာဂန္တုအသက် ၇-ရက် ဆိုပေမယ့် မိမိကား တစ်လ ကျော်ပြီဆိုတော့ သူတို့လည်း ငြိုငြင်ရှာမှာပဲ ဟု စိတ်ကို ဖြေသိပ်လိုက်ရ၏။ နေစရာ ကျောင်းရှာနေတာ တစ်လ ကျော်ပေပြီ။ အခုထိ မတွေ့သေး၊ တွေ့သည့် ကျောင်းကလည်း အခန်း ငှားခ က အဆမတန်၊ ပါလာသည့် ငွေနှင့် မည်သို့မှ မလုံလောက်၊ မမျှော်လင့်ဘဲ ကုန်သွားရသည့် ငွေတွေကလည်း မနည်းလှ၊ တက္ကသိုလ်ဝင်ကြေးက USD 600 (မြန်မာငွေ ၇-သိန်းကျော်) ရေခ, မီးခ, စားစရိတ်, အဆောင် စရိတ်, အင်တာနက်ကြေး, ဖုန်းစရိတ် မတွက်မိအောင် သတိထားနေရ၏။ (နှလုံးရောဂါရပြီး မြန်မြန်သေမှာ စိုးလို့)။
ဘုရားဖူး ဧည့်သည် မရှိတော့ ၀င်ငွေ နတ္ထိ။ အလှူရှင်ဆိုလို့ ရှားရှားပါးပါး စင်ကာပူနိုင်ငံမှ ဒါန သီရိလင်္ကာ အသင်း တစ်ခုတည်းမို့ သူတို့ကို မှန်းဆပြီး မေတ္တာပို့ရတာလည်း မမောနိုင် မပန်းနိုင်။
“တုံး…တုံး…တုံး” ဟော- တုန်းခေါက်သံ ကြားရပြီ။ ဆာလောင်လှတဲ့ ၀မ်း အေးဖို့ ငပိကြော်လေးနဲ့ လွှေးလိုက်မယ် တွေးပြီး မြန်မာပြည်က ငပိကြော် ခွက်ငယ် တစ်ခုနှင့် ခွဲထည့်ယူသွား၏။ ဆွမ်းဝိုင်းရောက်တော့ သွက်လိုက်ကြတဲ့ လက်တွေ၊ မြန်မာပြည် အောက်ပိုင်းဒေသ ဦးရှင်ကြီး တင်ပွဲထက် ဆိုးသေး၏။ ကိုယ်မစားလိုက်ရ၊ ဒါန မန်းကီး (မြောက်) သွား၏။ ၇၅-စက္ကန့်အတွင်း ပြောင်သွားသော ငပိကြော်ခွက်ကို ကြည့်ကာ မလွဲသာ ဒါနကြောင့် ဟန်ဆောင်ပီတိနှင့် ဒေါသပြုံးလေးပြုံးပြီး ဆွမ်းဝိုင်းမှာ ရှိတဲ့ ပဲဟင်းလေးနှင့်ပင် လွှေးလိုက်ရ၏။
နေ့ဆွမ်းစားပြီးတာနဲ့ တက္ကသိုလ်သို့ သွား၏။ လိုင်းကားခက အနည်းဆုံး တစ်နေ့ကို Rs-50 (မြန်မာငွေ ၅၀၀ ကျော်) တစ်နှစ်စာ ပေါင်းလိုက်ရင် မသက်သာလှ၊ လိုင်းကား တိုးစီးရတဲ့ ဒုက္ခကလည်း မသေးလှ၊ ဗုဒ္ဓဘာသာ နိုင်ငံမို့ လူတိုင်း နေရာ ပေးကြပါ၏။ ထိုင်ခုံနှင့် ထိုင်ရလို့ ချမ်းသာတယ် မထင်လိုက်ပါနဲ့၊ ဒီနေ့ ၀၀ တုတ်တုတ် ကုလားမကြီး တစ်ယောက် ကားပေါ် တိုး တက်လာပြီး မိမိ ထိုင်ခုံအနား ကျောပေး၍ ရပ်နေ၏။ မျက်နှာ ရှေ့တည့်တည့်၌ မိုးဗြဲ ဒယ်အိုးဖင်ကြီး ကာဆီးထားသည့်ပမာ၊ ရှောင်မရ လွှဲမရ စိတ်ညစ်လှ၏။ “မော်ဒယ် အပျိုလေးဆို တော်သေးရဲ့…..၊ အခုတော့ အသက် ၆၀-အရွယ်ကြီး၊ ကံဆိုးလိုက်တာကွာ….. ” ။ တွေးနေဆဲမှာ ကားက ရုတ်တရက် ဘရိတ်အုပ်လိုက်ရာ မိမိမျက်နှာပေါ် သူ့ဟာကြီး…..။ အမလေး….. ရှက်လိုက်တာ၊ နံလိုက်တဲ့ ဖြစ်ခြင်း၊ ဒိတ်အောက်ငါးပိစော်လိုလို၊ ဘဲဥပုပ်စော်လိုလို။
အရေးထဲ ကားပေါ်ပါလာသော ဦးဇာဂရ က လှမ်းနောက်လိုက်ပြန်၏ “ဟေ့… ကိုဝဏ္ဏ- မိမိနှာခေါင်းကြောင့် မြန်မာ့သာသနာကို မထိခိုက်ပါစေနဲ့… တဲ့”။ “ကြမ္မာရယ်မွှေ…..၊ မရဏာပြေ.. တကယ်သွားချင်ပေါ့.. ပဋာစာရီသား…..” ဟု ငိုချင်းသာ ချလိုက်မိပါတော့သည်။
တက္ကသိုလ်ကို ရောက်တော့ စားထားသော ပဲဟင်းက စာသင်ချိန်၌ အစွမ်းပြနေလေ၏။ ပတ်ဝန်းကျင်ကို အားနာတာနဲ့ လေရွှင်ချင်တဲ့ ရွှေဖင်ကို အတင်းပိတ်ထားလိုက်ရ၏။ သူ့ခမျာ အထွက်ပေါက် အပိတ်ခံရ၍ အူကြိုအူကြား ပြေးလွှားရင်း ဆန္ဒပြနေတော့၏။ စာသင်ပြီးတာနဲ့ ညှစ်ထုတ်ပစ်လိုက်တာ အံစော်နီးရုံမက ချံစော်ပါ နီးသွား၏။ ကိစ္စက ဂိတ်ဝ ရောက်နေပြီဆိုတော့လည်း ကုဋီ (အိမ်သာ) သို့သာ သုတ်ခြေတင်လိုက်ရ၏။ ကုဋီသို့ရောက်ကာမှ စီနီယာမကျသေးသဖြင့် ၁၈-မိနစ်ခန့် နှာခေါင်းပိတ်ကာ အောင့်အီးနေရ သေး၏။ ကိစ္စပြီးသောအခါ ခပ်သုတ်သုတ် ထွက်လာခဲ့ရာမှ ရုတ်တရက် ချော်လဲသွားပြန်၏။ “ရေတွေစိုရွှဲ ဒူးလည်းပြဲ သေပဲသေချင်တယ်” အရေးထဲ ကဗျာစုတ်က စိတ်ထဲ ၀င်လာသေး၏။ ရေစိုသင်္ကန်းကို ထက်အောက်ပြောင်းပြန် လှန်ဝတ်ပြီး ထွက်လာခဲ့၏။ အပြင်ရောက်တော့ အပေါင်းအဖော်များ တစ်ဦးမှ မတွေ့ရတော့ချေ။ စိတ်ဓာတ်များ ခြေဖျားထိ ကျဆင်းသွား၏။
တစ်ယောက်ထဲမို့ စိုးရိမ်စိတ်ကများပြီး ကားမှားစီးမိသလား၊ ဆင်းမည့်မှတ်တိုင် လွန်သွားတာလား၊ မရောက်သေးတာလား မဝေခွဲတတ်၊ အဲဒါမှ အကြီးအကျယ်ပြဿနာ၊ ဆက်သွယ်စရာ ဖုန်းကလည်း ည ကမှ အခိုးခံထားရတော့ အဂ္ဂမဟာ ဒုက္ခိတ ကြီး ဖြစ်နေရ၏။ ရောက်စမို့ အင်္ဂလိပ်စကားက မတောက်တခေါက်၊ ဒီကားက ဂါမဏီဟောကို ရောက်မှာလား?၊ ကိုယ်မေးတာကို သူတို့ နားမလည်၊ သူတို့စကား ကိုယ်နားမလည်၊ ဘယ်ရောက်လို့ ရောက်နေမှန်းမသိ၊ မထူးတော့ပြီမို့ ကားပေါ်ကဆင်းလိုက်၏။ ကုလားကြီးတစ်ဦးကို “ဂါမဏီဟော ဘယ်ကားစီးရမလဲ” ဟု မေးလိုက်၏။ “အေကိုက် ဒေကိုက် ဗင်ဒုဝ” တောက်- အရေးထဲ ဒီ သောက်ကုလား က တမျိုး၊ ဘာပြောမှန်းလည်းမသိဘူး။ နောက်တစ်ယောက်ကို စောင့်ရင်း မေးရ၏။ 120- ဟု ပြောသဖြင့် ထိုကားကို တက်စီးလိုက်၏။ ဆင်းမည့်နေရာကို လမ်းတစ်လျှောက်လုံး ဂရုစိုက် ကြည့်သွား၏။ တစ်နာရီခန့် ကြာသောအခါ၊ “ဒီနေရာကို ငါ မှတ်မိပါတယ်” လို့ ကြည့်လိုက်ရာ၊ တက္ကသိုလ်အရှေ့သို့ ပြန်ရောက်နေမှန်း သိရ၏။ ထိုအခါမှ ကားလမ်းကြောင်း ပြောင်းပြန် စီးမိမှန်း သိရ၏။ ကားပေါ်မှ ချက်ချင်းဆင်းကာ တက္ကစီ-ကား ငှားပြီး မြန်မာကျောင်းသို့ ပြန်ခဲ့ရ၏။ တက္ကစီ ခ Rs-700 တောင်းသဖြင့် ဖတ်ဖတ်မောသွား၏။ မြန်မာကျောင်းရောက်တော့ တော်တော်မိုးချုပ်နေပါပြီ။ “ကိုဝဏ္ဏ… နောက်ကျလှချီလားဗျ၊ ကားပေါ်တွေ့ခဲ့တဲ့ ကုလားမအဖွားကြီးနဲ့ ဘယ်သွားချိန်းတွေ့နေလို့လဲ…”။ မိမိနှာခေါင်းကြောင့် မြန်မာ့သာသနာကို မထိခိုက်ပါစေနဲ့- လို့ နေ့လည်ကားပေါ်လှမ်းအော်ခဲ့တဲ့ ဦးဇာဂရ ရဲ့စကား၊ ရောက်ရောက်ချင်း ဆောက်နဲ့ထွင်းဆိုသလို ရင်ဝကို ဆောင့်ကန်ခံလိုက်ရသည့်အလား။
အပေါင်းအသင်းများ၏ ဟားတိုက် ပြောင်လှောင်မှုအကြား ငိုရမလား ရယ်ရမလား မကွဲပြားတဲ့ ဘုန်းဘုန်းဘ၀ တရားခံကား ငွေ မလုံလောက်တဲ့ကိစ္စ၊ အမေရယ်….. သားတို့ လည်း ဒုက္ခအပေါင်းနဲ့ ရင်ဆိုင်နေရတာပါဗျာ…။ ကျနော် ကိုဝဏ္ဏ ပြည်ပမှာ ဒုက္ခအပေါင်းကို ရင်မှာပိုက် ထားရသော်လည်း ပြုံးလျက်ပျော်လျက်ပါ၊ သာကီဖွားတဲ့ ဇာနည်ကျားမို့ ခံနိုင်ရည်ရှိပြီးသားပါ။ ။



စောက်ချီး ကုလား
ကိုဝဏ္ဏ ခမျာ ကျောင်းစာတွေ မနိုင်မနင်းမို့ အလုပ်ရှုပ်နေ၏။ အလိုက်မသိသော ဘင်္ဂလားဒေရ်ှ ရဟန်းတပါးက မိတ်ဆက်စကား ပြောကြားရင်း လျာရှည်နေတော့၏၊ (စာလုပ်နေမှန်း သိရက်နဲ့ အလိုက်မသိ)၊ အရည်မရ အဖတ်မရ စကားတွေနဲ့ အချိန်ကုန်တာမို့ ကိုဝဏ္ဏ စိတ်ကမရှည်၊ နာမည်ကို ပြောထားပြီး ဖြစ်ရက်နဲ့ မေ့သွားလို့ဆိုပြီး ထပ် မေးပြန်၏။ ကိုဝဏ္ဏ မျက်နှာကြော တင်ပြီး ခတ်တည်တည် တွယ်လိုက်၏။ “မိုင်နိမ်းမစ်ဖေဖေ” “ဖေဖေ ဆိုတဲ့ နာမည် သိပ်ကောင်းတာပဲ၊ ဒို့ နာမည်က ဇောတိရတန- တဲ့ ဒီနာမည် မကြိုက်ဘူး၊ နာမည် ကောင်းကောင်းလေး လိုချင်တယ်” “စောက်ချီး ကုလား” ဆိုတဲ့ နာမည် ကြိုက်လား၊ “စောက်ချီး ကုလား - ဟာ့…သိပ်ကောင်း သိပ်ကြိုက်၊ လှပခန့်ငြားသော နာမည်အသစ် ရရှိသောကြောင့် ဘင်္ဂလားဒေ့ရှ် - ရဟန်းတော် ပျော်သွား၏။ ထို့အချိန်မှစ၍ သီရိလင်္ကာ၌ ကိုဝဏ္ဏ အမည် - ဖေဖေ၊ သူ့အမည် စောက်ချီး ကုလား - ဟု တွင်သွား၏။
ပခုက္ကူ ရောက်စကလည်း ကိုယ်တော်တပါးက နာမည်မေးရာ “ကိုဝဏ္ဏ” ဟု ဖြေပါ၏၊ ဘယ်ဇာတိလဲ?၊ “ထားဝယ်ကပါ”၊ ထားဝယ်လို ကိုဝဏ္ဏ ကို ဘယ်လိုခေါ်လဲ? ဟု မေးပြန်၏။ လျှာရှည်လှသောကြောင့် ထိုသူ့ကို အမြင်ကပ်ပြီး “မယ့်မယ်လန် - ခေါ်ပါတယ် ဟု ပြောလိုက်၏ (မှတ်ချက် - - မယ့်မယ်လန် ဟူသည် ထားဝယ်စကားဖြစ်၏ [အမ - ယောကျာ်း ] အမလင် ဟူသော အဓိပ္ပါယ်ရ၏)။
ထိုသူမှ တဆင့် ပခုက္ကူ၌ ကိုဝဏ္ဏ အမည် မယ့်မယ်လန် - ဟု တွင်သွား၏ ရပ်ကွက်ထဲ၌ပင် မယ့်မယ်လန် ဟု ခေါ်ကြတော့၏။ အသက် ၈၀ - ကျော် ဆရာတော် ဦးပညာသီရီ ပင် တခါတလေ ရောက်လာပြီး “ ဟဲ့ - မယ့်မယ်လန် စာ ကြိုးစားလှချည်လား” ဟု ပဋိသန္ထာရ ပြုလေ့ရှိ၏၊ ၀ဏ္ဏ လို့သာ ခေါ်ပါဘုရား - ဟု လျောက်လည်း မရ၊ အားမရဘူးကွ - မယ့်မယ်လန် ပဲ နှုတ်ကျိုးနေတာ - ဟု ပြော၏။ ၅၆ ခု သူ့မိဘများ ပခုက္ကူသို့ ရောက်လာကြ၍ မယ့်မယ်လန် - ၏ အဓိပ္ပါယ် အမှန်ကို ပခုက္ကူ က သိသွားရင် ၀ိုင်း ရိုက်ကြလို ဈာပန အတွက် အလောင်းတောင် ရှာတွေ့တော့မှာ မဟုတ်၊ ဒါ့ကြောင့် ဟန် မပျက် နေကြရန် ပြောထားရ၏။
ပခုက္ကူ ၌ အမများ ဆက်သ ခံရသော ကိုဝဏ္ဏ သည် ယခုအခါ သီရီလင်္ကာနိုင်ငံ၌ ဖေဖေ - ဟု ခေါ် ခံနေရသဖြင့် ၀မ်းမြောက်စွာ ပီတိ ဖြစ်နေတော့၏။ ကိုဝဏ္ဏ အဖို့ ထိုပီတိကို မြန်မာတို့၏ စည်းစိမ် ဖြင့်ပင် လဲနိုင်လိမ့်မည် မထင်။ “ဇနီး မယား နှင့် သ္မီးသား အများဆုံးသူကား ကမ္ဘာပေါ်၌ မိမိမှ တပါး တခြားမဖြစ်နိုင် ” ဟု တွေး၍ ပျော်ရွှင်မှုကို အရယူတတ်၏။ ဖေဖေနှင့် စောက်ချီး ကုလား ဇာတ်လမ်းကား မဆုံးသေး၊ တစ်နေ့ ကျောင်းတကာ တစ်ဦး ရောက်လာပြီး မွေးခါစ သူ့မြေးလေးကို စောက်ချီး ကုလား ဟု နာမည်မှည့်ချင်ကြောင်း ခွင့်တောင်းလာ၏။ “အောင်ဆန်း - လို့ ပေးလိုက်ပါ၊ ပိုးကောင်းပါတယ်။ ပြောလဲမရ၊ အားလုံးက စောက်ချီး ကုလား ဆိုတဲ့ နာမည်ကိုပဲ ကြိုက်ပါတယ် ဟု ဆို၏။ အခုတော့ လူမမယ် ခလေးငယ်လေးခမျာ စောက်ချီး ကုလား ဖြစ်ရရှာတော့၏။
ဇနီး မယား သ္မီးသားနှင့် နေထိုင်ခွင့် မရသော ဒုက္ခကို ပီတိအတုနှင့် ကျေနပ်နေရသော ကိုဝဏ္ဏ ဘ၀၊ အော် …. သုခ...သုခ၊ အဲလေ … ဒုက္ခ…ဒုက္ခ၊


မယ်ပု ကို ရေခဲမုန့် ကျွေးချင်တယ်
အခန်း(၁)
စာသင် သံဃာများ ကွန်ပြူတာရှေ့၌ စာပေကို အသည်းအသန် ကြိုးစားနေကြ၏၊ ဦးဥတ္တမ ကား ညောင်ပင်ကြီး အောက်၌ တမှိုင်မှိုင်၊
“စာ မကျက်ဘူးလား - - ဘာတွေတွေးနေတာလဲ?” ဟု ကိုဝဏ္ဏ က မေး၏
“စာ ကျက်လို့ကိုမရဘူး၊ ရွာက မယ်ပု ဆီပဲ စိတ်ကရောက်နေလို့”
“အမလေး … ဘ၀တူ ဘုန်းကြီးအချင်းချင်း လာကြွားနေပြန်ပြီ၊ နောက်ဘ၀ နတ်သ္မီး ၅၀၀ - ရမှာပဲ၊ အောင့်ထားလိုက်စမ်းပါ၊ ကိုယ်တော့ ဒကာမလေးက အခုလောက်ဆို ကလေးနှစ်ယောက်လောက် မွေးပြီးရော့မယ်၊ လွမ်းမနေပါနဲ့ ….”
“မယ်ပု က အပျိုမဟုတ်ဘူး၊ အသက် ၇၀ - ကျော် အဖွားကြီးဗျ”
“ဘုရား … ဘုရား… ကိုယ်တော်က အဲဒီ အဖွားကြီးကို” “သေချင်တယ်…. သေချင်တယ်”။
“စိတ်ထိမ်းစမ်းပါ ဦးဥတ္တမ ရာ ..၊ သင်္ကန်း ၀တ်ကြီးနဲ့ အချစ်အတွက် အသက်သေတယ် ဆိုတာ ကျော်မကောင်း ကြားမကောင်း” ဦးဥတ္တမ သည်၊ ညောင်ညိုကိုင်းမှ သောကကင်းသော နွေ ဥသြကို ငေးမော အားကျရင်း မျက်ရည်များဝိုင်းလာတော့၏။
အခန်း (၂)
ဆွမ်းဝိုင်းတွင် ၀က်သားဟင်း ၃-ခွက်၊ ကြက်သားဆို အကြော်တမျိုး၊ အချက်တစ်မျိုး၊ တောက်တောက်ကြော်၊ ကုန်းဘောင်ကြီးကြော်၊ မြန်မာစားစရာများမက တရုတ်၊ ကိုးရီးယား စားစရာတွေပါ စုံလင်လှ၏။ မနေ့ညက မြင်ခဲ့ရသည့် ရန်ကုန်မြို့တော်ကြီး။ တိုက်တွေ၊ ကားတွေက အံ့မခန်း ငေးမောမဆုံး၊ အစားအသောက်ကျပြန်တော့လည်း နတ်သြဇာတမျှ“ငါ-နတ်ပြည်ကိုများ ရောက်နေရော့သလား..၊ အိပ်မက်တော့ မဟုတ်တန်ရာဘူး..ဟု ဦးဥတ္တမ တွေးနေမိ၏။ တွေ့မြင်ခဲ့သမျှ အရာရာ အားလုံးသည် ဦးဥတ္တမ အဖို့ အထူးအဆန်းတွေချည်းဖြစ်နေ၏။
အသင့်ပြင်ထားသော ဆွမ်းဝိုင်းရှေ့ ထိုင်ကာ အားပါးတရ စားမည် ဟန်ပြင်ကာမှ ရွာအကြောင်း တွေးမိသဖြင့် ရင်ထဲဆို့နင့်ကာ ပျို့တက်သွား၏။
ထင်းအစား ကျောက်မီးသွေးသုံးပါလို့ အမိန့်ထုတ်ထားတာ၊ အခု ထင်းတွေ့တယ်ဆိုပြီး အဆဲခံရ၊ အရိုက်ခံရ၊ ဒဏ်ငွေ(၅၀၀)လည်း ဆောင်ရဦးမှာတဲ့၊ မရှိဘူး တောင်းပန်လည်းမရ၊ တအိမ်လုံး မွှေနှောက်ရှာဖွေပြီး ရှိတဲ့ငွေလေးတွေ အကုန်သိမ်းသွားတယ်ဘုရား..။
အစည်းအဝေး မတက်အားလို့ ဒဏ်ငွေတောင်းတယ်၊ ပေးစရာမရှိလို့ လှဖေကြီး ဖမ်းသွားပြီဘုရား..၊ ပဲရွေးတာ တနေ့မှ (၃၀၀)ရတယ် အိမ်ရှေ့လမ်းပြင်ဖို့ တအိမ် (၅၀၀၀)ဆိုတော့ ရောင်းစရာမရှိ၊ ပေါင်စရာမရှိ၊ ထောင်ထဲရောက်ရတော့မယ်ဘုရား..။
အားကိုးရာမဲ့ တောသူ တောင်သားဘ၀၊ ဒုက္ခမှန်သမျှ ဘုန်း ကြီးရှေ့မှာ ဖွင့်အံပြ၊ သောက၊ ပရိဒေ၀၊ ဒုက္ခ မျက်ရည်စတွေကို ဆွမ်းခံကိုယ်တော်၏ ခြေဖမိုးပေါ် သွန်ချ၊ ခြေသလုံးဖက်ပြီး ငိုသူငို၊ ရှိုက်သူရှိုက်၊ သူတို့ဆွမ်းကို ဆို့နင့်နင့်နှင့် အတင်းမျိုချလည်း ပြန်အန်ထွက်ခဲ့ရ၊ ဆွမ်းခံဖို့အရေး ရင်လေးလှ၏။
တောမြို့ စာသင်တိုက်လေးမှာ ခရမ်းသီးပြုတ်၊ ငရုတ်သီးထောင်းနဲ့ နှစ်ပေါင်းများစွာ။ ကြိုးစားလို့ ရခဲ့သမျှ စာအောင်ဆုငွေလေး ကိုယ်မသုံးရ၊ သူတို့ကို ဝေငှရင်း ထပ်တူ ထပ်မျှ၊ ခံစားရ၊ အော်….တောသူ တောင်သားဘ၀ ရန်ကုန်နဲ့တော့ နှိုင်းမရအောင် ကွာဟ။
ရန်ကုန်သို့ ဘွဲ့ယူလာသော ဦးဥတ္တမ သည် ရန်ကုန်နှင့် တောရွာအဆင့်အတန်း ကွာဟမှုကို တွေးမိပြီး ရင်ထဲ၌ ဆို့နင့်သွား၏။ စားလိုက်မည်ဟု အားခဲထားသော ၀က်သားတုံးကြီးကို မစားနိုင်တော့ပါ။
အခန်း(၃)
ဦးဥတ္တမ ရန်ကုန်က ပြန်ကြွလာပြီဟေ့….။
တောသူ တောင်သားတို့ ၀ိုင်းအုံရောက်လာကြ၏။
ဗဟုဿုတ ကြွယ်ဝဆုံး၊ ချမ်းသာဆုံးဆိုတဲ့ ရေဒီယိုပိုင်ရှင် သူဋ္ဌေး ကိုချက်ကြီး က မေး၏။
“ကိုယ်တော်…ရန်ကုန်မှာ အင်တာနက်ဆိုတဲ့ စက်ကြီး တွေ့ခဲ့ရလား၊ ရေဒီယိုက တိုက်ရိုက်ကြားရအောင်အွန်လိုင်းပေါ် တက်စီးပြီး စကား ပြောချင်လိုက်တာ...၊ အဲဒီစက်ကြီးက ဟို..နွားတင်းကုတ်လောက် ရှိမလားမသိဘူးနော်”။
တင်မြက ၀င်ပြော၏။ “ကိုယ်တော်..ရန်ကုန်မှာ ကားစီးရတာ ပျော်လွန်းလို့ ဒို့အတွက်သကြားလုံး ၀ယ်လာမယ်ဆို မေ့သွားတယ်နဲ့တူတယ်..။
အဖွားမယ်ပု က ၀င်ပြော၏။“ ကိုယ်တော်.. အိုင်တင်တင် မုန့်ဆိုတာ စားခဲ့ရလားဘုရာ့..”။ “အိုင်စကရင် ပါအမေကြီးရာ” “မသိပါဘူးတော်…ရွာဘုန်းကြီး ပြောလို့သာ ယုံလိုက်ရတယ်၊ အဲဒီမုန့်က လျှာပေါ်တင်လိုက်တာနဲ့ အရည်ဖြစ်သွားတယ်ဆိုပဲ၊ ၀ါးစရာမလိုဘူးတဲ့..၊ ငါတော့ သွားမရှိတာနဲ့ စားကြည့်ချင်လိုက်တာတော်..။
ထွေးလေး က ၀င်ပြော၏။ “အမယ်ကြီးပု ရာ…အဲဒီမုန့်မျိုး ကျုပ်တို့ တောသူတွေ စားရဖို့မပြောနဲ့ မြင်ဖူးအောင်ပဲ မနဲဆုတောင်းရမယ်၊ တထုပ်ကို တသိန်းလောက် ပေးချင်ပေးနေရမှာ..”။ “ငါတော့.. စားဖူးတယ်ရှိအောင် အိမ်က ချိုကုတ်(နွား) ကြီး တစ်ကောင်ရောင်းပြီး သွားဝယ်စားကြည့်ချင်တော့တယ်အေ…”။
ပုစူးမ က ၀င်ပြော၏။ “ ကိုယ်တော်…အဲဒီမုန့်က ၀က်သားဟင်းလောက် ကောင်းလို့လား ဟင်..”။ “နင်က ၀က်သားဟင်း စားဖူးလို့လား” ။ “စားဖူးပ..ကိုယ်တော်ကလည်း အထင်သေးလိုက်တာ”။ “ဘယ်တုံးက စားဖူးလို့လဲ…”၊ “ ဦးတုတ်ကြီးတို့ ရှင်ပြုတုန်းက…၊ မိအေးတောင် သူ့အမေအတွက် အဆီတုံးကြီး ခါးကြားညှပ်ယူသွားသေးတယ်..”။
ဝက်သား-ဟူသော အသံကြားရသည်နှင့် ရန်ကုန်မှ ၀က်သားသုံးခွက်ပါသော ဆွမ်းဝိုင်းကြီးကို ဦးဥတ္တမ မြင်ယောင်လာမိ၏။ တောရွာကို မစင်တွင်းကြီးပမာ ရွံမုန်းလာတော့၏။ ရန်ကုန်ပြန် ဦးဥတ္တမ အဖို့ တောရွာလေးမှာ ဘယ်လိုမှ မပျော်ပိုက်တော့ချေ။ ရန်ကုန်သို့ ပြောင်းရွှေ့သွားတော့၏။
အခန်း(၄)
“အရှင်ဘုရား ဘွဲ့ရှစ်ခုတောင် ရပြီးပြီဆို…” ၊ “ ဟုတ်တယ် တကာကြီး” ။ အရာရှိကြီးတစ်ဦးသည် ၀မ်းသာအားရ လျှောက်တော့၏။ “လိုအပ်တာ အမိန့်ရှိပါ၊ တပည့်တော် ဒကာခံပါ့မယ် ” ၊ “ဦးဇင်း- သီရိလင်္ကာ စာသင်ထွက်ချင်တယ်” ၊ “ ကောင်းတယ်ဘုရာ့ တပည့်တော် တာဝန်ယူပါ့မယ်” ဟုဆိုကာ ဒေါ်လာ (၅၀၀၀)ချက်ချင်း ထုတ် လှူသွား၏။
အခန်း(၅)
“တပည့်တော်လေ… အဲဒီတုန်းက ၀မ်းသာလိုက်တဲ့ဖြစ်ခြင်း၊ တကာကြီးကိုတောင် ကျေးဇူးတင်ကြောင်း ဘယ်လိုပြောရမှန်းမသိ ဖြစ်သွားတယ်”
“ဒေါ်လာ(၅၀၀၀) ဆိုတော့ မြန်မာငွေ သိန်း(၆၀)ကျော်၊ များလှချီလား”
“သူတို့က အရာရှိတွေလေ..လှူနိုင်တာပေါ့”
“နေစမ်းပါဦး..ချက်ချင်းထုတ်လှူတယ်ဆိုတော့- ဒေါ်လာကို တရားဝင်ကိုင်ဆောင်ခွင့်မှ မရှိတာ”၊ “ကိုဝဏ္ဏ ရယ်…သူတို့က အရာရှိတွေဗျ..”၊
“ဒီလို စေတနာကောင်းတဲ့သူ ရှားတယ်၊ သာသနာအတွက် ကျေးဇူးကြီးမားပါတယ်၊ ကိုယ်တော် သူတို့ကို မေတ္တာပို့ပေးပေါ့…”၊
“ဘယ်ဖြစ်မလဲ ကိုဝဏ္ဏ ရဲ့.. သူတို့က အရာရှိတွေလေ..”။
“တပည်တော်လေ- မြန်မာနိုင်ငံက အထွက် လေယာဉ်ပေါ် တက်မိတာနဲ့ ဒုက္ခဘုံမှ လွတ်ပြီ၊ ကျွတ်ပြီလို့ စိတ်ကဖြစ်ပြီး ပျော်လိုက်တာ၊ ပျော်လွန်းလို့ အိန္ဒိယ ရောက်တာနဲ့ နေရဉ္ဖရာ မြစ် သဲပြင်ထဲ တစ်ယောက်ထည်း ခုံပေါက်ပြေးလွှားပစ်လိုက်တယ်”။
“ချီးပုံတွေ မနင်းမိဘူးလား” “မနင်းမိဘူး၊ ချီးတွင်းထဲ နေခဲ့ရတာနဲ့ စာရင် ချီးပုံနင်းမိတာက တော်သေးတာပေါ့”။ “ကိုယ်တော်က နေစရာမရှိလို့ ချီးတွင်းထဲ ၀ါဆိုခဲ့ရတယ်နဲ့တူတယ်”၊ “တောမှာ နှစ်ပေါင်းများစွာ နေခဲ့ရတာ ချီးတွင်းကြီးထဲ နေရတာထက် ဆိုးတယ်ဗျ..”။
“အခုတော့ လက်ထဲ ငွေလေးရှိနေတော့ ရွာပြန်ပြီး မယ်ပု ကို ရေခဲမုန့် ကျွေးချင်တဲ့စိတ်က အိပ်မက်ထဲတောင် ရောက်ရောက်လာလို့ စာကျက်လို့ကို မရပါဘူးဗျာ..”။



အန္တရာယ်ကင်းပရိတ်
မကုဋ- မြန်မာကျောင်း ညောင်ပင်ကြီးအောက်၌ ၀ိုင်းဖွဲ့ စကားပြောရင်း ကိုဝဏ္ဏ တို့ သီချင်းဆိုကြ၏၊ ထိုနေ့ကား စာဖြေပြီးသောနေ့ ကွန်ပျူတာနှင့် စာအုပ်များ ပိတ်ထားရသောနေ့၊ ခါတိုင်းဆို ကွန်ပျူတာရှေ့ တနေကုန်၊ သိန်းပေါင်းများစွာ အကုန်ခံထားကြရသည်မို့ မည်သူမှ အချိန်မဖြုန်းရဲ၊ တည်ဆဲ ဥပဒေအရ စိတ်ကို အကျယ်ချုပ် ချထားရ၏၊ အချုပ်ထောင်ထဲ ကျောင်းစာနှင့် နဘန်းလုံးရတာ ပင်ပန်းလှ၏၊
ထိုနေ့ကား “အို…ရုပ်နှင့်နာမ် အတော်ပင်ပန်းသွားပြီလား..၊ ကုန်ငွေနှင့်တန်အောင် ခိုင်းမိတာ စိတ်မကောင်းပါဘူးကွာ၊ ဒီနေ့ တစ်ရက်တော့ သင်တို့ကို လွတ်ငြိမ်းချမ်းသာခွင့် ပေးလိုက်ပါတယ်၊ သွားလိုရာသွားပေတော့…” ဟု ခွင့်ပြုလိုက်၏။ နတ်ပြည် ရောက်သွားသလား၊ ဗြဟ္မာ့ပြည် ရောက်သွားသလား မပြောတတ်၊ အတော်ပျော်သွား၏။ စိတ်လွတ်ကိုယ်လွတ် သီချင်းဆိုပစ်လိုက်ကြ၏။
လူသားတို့လို ကာမစည်းစိမ်ဖြင့် ပျော်ခွင့်မရသော ကိုဝဏ္ဏ တို့ဘ၀ သီချင်းလေးနဲ့ နှစ်သိမ့်မယ် ကြံကာမှ၊ သီချင်းက မည်သူမှ မရ၊ မြန်မာပြည်နေစဉ်က ဆွမ်းခံရင်း ကြားခဲ့သမျှ သီချင်းတွေ သူတပေါက် ကိုယ်တပေါက် တောင်ရောက် မြောက်ရောက်၊ တချို့ သီချင်းဆိုတာ ဘုန်းကြီးလေသံမပျောက် တရားဟောသံပေါက်၏။ သီချင်းဆိုရင်း ရှေ့ဆက်မရတိုင်း “ဧတေန သစ္စ ၀စ္စေန သောတ္ထိ တေ ဟောတု သဗ္ဗဒါ” ဟု အသံပြိုင်အော်ရင်း ပျော်ခဲ့ရ၏။ ဤဂါထာကား သီရိလင်္ကာနိုင်ငံ ပရိတ်ရွတ်ရာ၌ ပရိတ်တစ်ပုဒ်ရွတ်ဆိုပြီးတိုင်း အဆုံးသတ်လေ့ရှိသော ဂါထာဖြစ်၏။ ယခုကား သီချင်း ရှေ့ဆက်မရတိုင်း ဧတေန သစ္စ ၀စ္စေန- ဖြင့် အဆုံးသတ်နေရ၏။ နဘေး အိမ်များမှ ကုလားတွေက ကိုဝဏ္ဏ တို့ကို ချောင်းကြည့် ခိုးကြည့်နေကြ၏။
နောက်တနေ့ ကုလားမ တစ်ဦး ရောက်လာပြီး “ညက ညောင်ပင်အောက်မှာ ဘာတွေ ရွတ်ဖတ်ကြတာလဲ” ဟုမေး၏၊ “အန္တရာယ်ကင်း ပရိတ်ရွတ်ကြတာ” “အော်…ထင်တော့ ထင်သား၊ ဒါပေမယ့် တခါတလေ အားပါးတရ ရယ်မောကြတာတွေ့ရလို့ အံ့သြနေကြတာ…”။ “ငါတို့က ပရိတ်ကို မင်းတို့လို အိပ်ချင်အောင် ရွတ်တာမဟုတ်ဘူး၊ ပျော်ပျော်ပါးပါး ရွတ်ကြတာ”။ “ဟာ…ကောင်းလိုက်တာ …အတုယူစရာပဲ၊ ဒါနဲ့ အဲဒီတုန်းက ထိုင်တဲ့သူကထိုင် တုံးလုံးပက်လက် အိပ်သူက အိပ်ပြီး ရွတ်ဆိုကြတာတွေ့ရတယ်၊ အဲဒါက ဘယ်လိုလဲ..” ၊ “ဒါက..ပရိတ်ရွတ်တဲ့အခါ စိတ်ကျဉ်းကြပ်မှု မရှိ၊ လွတ်လပ်မှုကို ဖော်ပြခြင်းသဘောပဲ..”ဟု ပြောလိုက်ရာ ကုလားမ အတော် ကြည်ညိုလေးစားသွားဟန်တူ၏။ ထိုင်ကန်တော့ပြီး “သိပ်ကောင်းတာပ၊ဲ သီရိလင်္ကာ အန္တရာယ်ကင်းအောင် မကြာ မကြာ ရွတ်ဖတ်ပေးတော်မူပါ” ဟု လျှောက်သွား၏။ ကုလားမရှေ့ ရယ်ချင်စိတ်ကို မျိုသိပ်ထားလိုက်ရ၏။ မိဘဆွေညာနှင့် ဝေးကွာနေရသော ပြည်ပစာသင်ဘ၀ဆိုတာ ဒီလိုပါပဲ။ ဒုက္ခ ပင်လယ်ထဲမှ သုခ ငှက်ငယ်ကို တဒင်္ဂငေးမောပြီး ဘ၀ရဲ့ လှပမှုကို ဖန်ဆင်းရတာပါပဲလေ….။ ။


ကလောင် = ဘုန်းဘုန်းသု
အမည် = ဦးသုဝဏ္ဏ
ဖုန်း = ၀၇၂၆၃၀၀၁၁၄